[14:17]
Kristín Ástgeirsdóttir:
Hæstv. forseti. Ég vil þakka fyrirspyrjanda fyrir spurningar hans. Mig langar til að skjóta einni spurningu að hæstv. dómsmrh.: Eru einhverjar hugmyndir uppi um nýtingu gamla fangahússins við Skólavörðustíg? Þetta er mjög merkilegt hús. Það var einu sinni notað undir fundarhöld bæjarstjórnarinnar í Reykjavík og ég reikna með að það heyri undir þau hús sem beri að varðveita. Mig langar til að spyrja hæstv. dómrmh.: Hefur hann einhverjar hugmyndir um hvernig ber að nýta þetta hús, sem undir hann heyrir?