[prenta uppsett í dálka] 57. fundur
[16:56]
Kristín Ástgeirsdóttir (andsvar):
Hæstv. forseti. Mér er að sjálfsögðu ljóst að hér er um ákaflega vandmeðfarið mál að ræða. Mín stóra spurning er auðvitað þessi: Er verið að mismuna fólki? Er verið að gera fólki erfitt að flytja burtu sem vill það? Ég spyr. Ég á eftir að fara ofan í málið en það hlýtur að vera á valdi þeirra sem búa á þessum svæðum að ákveða hvort þeir vilja vera þar eða hvort þeir vilja fara eitthvað annað. Og við verðum bara ósköp einfaldlega að horfast í augu við þennan veruleika, hvað vill fólkið. Mér finnst það vera grundvallaratriði að við sem löggjafi í þessu tilviki gerum fólki ekki erfiðara fyrir. En síðan er hægt að taka afleiðingunum af því hver ákvörðun íbúanna verður á viðkomandi stað.
Mér finnst þetta bara vera flötur á umræðunni sem við þurfum að velta fyrir okkur.
