[prenta uppsett í dálka] 64. fundur
[16:47]
Menntamálaráðherra (Björn Bjarnason) (andsvar):
Herra forseti. Ég tel óframkvæmanlegt að rökstyðja hækkun á skrásetningargjaldi í Háskóla Íslands upp í 100.000 kr. með hliðsjón af því að það er verið að sinna þeirri þjónustu sem tilgreind er í þessu frv. Ef Háskóli Íslands gerir tillögu til menntmrh. eða Alþingis um að skólagjöldin verði 100.000 kr., eins og þau eru í a.m.k. einum skóla hér á landi, þá mundi ég líta þannig á að Háskóli Íslands væri að fara fram á að innheimt væru skólagjöld og þá ætti að nota þá fjármuni sem þannig yrðu innheimtir af skólanum til að standa undir öðrum kostnaðarliðum heldur en tilgreindir eru í þessu frv.
