[prenta uppsett í dálka] 65. fundur
[15:36]
Frsm. meiri hluta fjárln. (Jón Kristjánsson) (andsvar):
Herra forseti. Hv. 15. þm. Reykv. hefur bætt nokkuð ráð sitt síðan áðan því hann las upp það grundvallaratriði sem ég nefndi í stefnuskránni. Það er rétt að horfur eru nú betri. En hins vegar stöndum við uppi með þá staðreynd að halli ríkissjóðs á yfirstandandi ári verður allt að 10 millj. kr. Við stöndum uppi með það að afgreiða ríkissjóð með halla á næsta ári um 4 milljarða kr. og ætlum okkur að ná halla ríkissjóðs niður á tveimur árum. (ÖS: Þið lofuðuð því. Nú svíkið þið.) Það var sérstakt grundvallaratriði í okkar stefnuskrá fyrir kosningar. Ég hef slæma samvisku yfir því að afgreiða ríkissjóð með 10 millj. kr. halla á yfirstandandi ári og 4 millj. kr. halla á næsta ári. Ef þeim klyfjum verður svo með áframhaldandi halla velt yfir á framtíðina handa afkomendum okkar að borga, vekur það mér slæma samvisku. Öll okkar kosningaloforð byggjast á því að hægt sé að ráða við ríkisfjármálin og skapa grundvöll til að sinna hinum þörfustu málum, eins og þingmaðurinn las hér upp ágætlega áðan.
