[20:41]
Frsm. meiri hluta fjárln. (Jón Kristjánsson) (andsvar):
Herra forseti. Eins og fram kemur í þriðja lið þessa erindis er lagt til að 150 millj. kr. verði settar á sérstaka liði í fjmrn. til ráðstöfunar á næsta ári til að kosta hagræðingarátak í rekstri ríkisstofnana almennt. Þetta er ekki eingöngu í rekstri sjúkrahúsa. Ég vil taka fram að þetta er eftir orðanna hljóðan í rekstri ríkisstofnana. Vafalaust fá sjúkrahúsin sinn hlut af þessari upphæð en það er ekki ljóst enn þá hvað mikið það verður.