[prenta uppsett í dálka] 66. fundur
[16:49]
Iðnaðarráðherra (Finnur Ingólfsson) (andsvar):
Herra forseti. Ég held að það hafi gætt örlítils misskilnings í máli hv. þm. Eigið fé Iðnlánasjóðs er ekki neikvætt. Eigið fé Iðnlánasjóðs er upp á 2,5 milljarða. Hins vegar hefur þessi deild, verkábyrgðatryggingadeildin í Iðnlánasjóði, verið rekin með tapi þannig að eigið fé hennar er neikvætt. Ráðstafanir hafa nú verið gerðar til að tryggja að hún standi undir sér til framtíðar. Eins og kemur fram í nefndaráliti hv. iðnn. hefur stjórn sjóðsins verið skrifað bréf þar sem það á að vera tryggt að þessi deild standi undir þeim skuldbindingum sem hún tekur að sér þegar til framtíðar er litið.
