[prenta uppsett í dálka] 69. fundur
[15:52]
Steingrímur J. Sigfússon:
Herra forseti. Við þingmenn Alþb. höfum ítrekað á undanförnum árum gagnrýnt of mikil jaðaráhrif í skattkerfinu og þar á meðal lagt til þak á jaðarskatt. Hér er gengið eitt örstutt skref í þá átt að draga úr óhóflegri tekjutengdri skerðingu barnabótaauka, þó að okkar mati sé allt of skammt gengið. En við styðjum þessa breytingu sem spor í rétta átt í trausti þess að það ekki látið staðar numið hér heldur haldið áfram og farið í gagngera endurskoðun á tekjutengingu í skattkerfinu almennt.
