[prenta uppsett í dálka] 73. fundur
[13:22]
Guðjón Guðmundsson:
Herra forseti. Hér er á ferðinni hagstæður samningur sem hefur afar jákvæð áhrif á þjóðarbúskapinn. Samningurinn er mjög hagstæður Landsvirkjun en núvirtur hagnaður fyrirtækisins af viðauka við raforkusamninginn er talinn verða um 8 milljarðar kr. Fjárfesting eykst um 16 milljarða á næstu tveimur árum vegna stækkunar álvers, hafnaraðstöðu og raforkumannvirkja og þar af fer rúmlega þriðjungur til innlendra aðila. Alls verða 750 ársverk við framkvæmdir á næstu tveimur árum og föstum starfsmönnum fjölgar um 90--100 eftir að framkvæmdum lýkur. Útflutningur eykst um 7--8 milljarða, hagvöxtur eykst og atvinnuleysi minnkar. Síðast en ekki síst er rofin tveggja áratuga kyrrstaða í stóriðjumálum. Vonandi fylgja fleiri slíkir samningar í kjölfarið. Ég segi já.
