[prenta uppsett í dálka] 76. fundur
[15:04]
Kristín Ástgeirsdóttir (andsvar):
Hæstv. forseti. Ég þakka hæstv. forsrh. fyrir þessi svör. Þetta er greinilega spurning um túlkun. Alþýðusambandið túlkar það sem svo að ríkisstjórnin hafi lofað því að hækka allar bætur almannatrygginga en í yfirlýsingu ríkisstjórnarinnar segir að það eigi að hækka um ákveðna upphæð og þá er spurningin hvernig menn hafa skilið það.
Ég hlýt að mótmæla því síðasta sem fram kom í máli hæstv. forsrh. vegna þess að í yfirlýsingu Alþýðusambandsins er verið að tala um að hækka skattbyrði elli- og örorkulífeyrisþega sem eru með tekjur á bilinu 68--100 þús. kr. Reyndar er verið að vísa þar í tekjutenginguna en ég get ekki annað en minnt á að það var samþykkt að fella niður 15% afslátt á lífeyrisgreiðslur sem lífeyrisþegar höfðu notið og það er veruleg tekjuskerðing einmitt á þennan hóp.
