[21:33]
Heilbrigðisráðherra (Ingibjörg Pálmadóttir) (andsvar):
Virðulegi forseti. Ég taldi mig skýra þetta út fyrir hv. þm. áðan og það er engu við það að bæta á þessari stundu. Hann þekkir þessi ferliverk jafn vel og sú er hér stendur. Í undantekningartilvikum leggst sjúklingur inn og það er í þeim tilvikum sem þetta getur verið á gráu svæði og um það er ekkert meira að segja á þessari stundu.