[22:17]
Frsm. meiri hluta fjárln. (Jón Kristjánsson) (andsvar):
Virðulegi forseti. Ég vil segja hv. 9. þm. Reykn. að auðvitað er mér og nefndinni kunnugt um niðurstöður nefndarinnar í þessu máli. Það er vilji fyrir því að endursemja um málið á þeim forsendum að framkvæmdinni verði frestað um sinn. Það eru því möguleikar á að endurráðstafa þessu fé að sinni og skila því svo síðar inn í framkvæmdina. En að málinu hefur verið unnið af fullum heilindum og mun því væntanlega lykta með því að samningurinn verður endurskoðaður og húsið á Fáskrúðsfirði rísi. Ég hef, eins og fram hefur komið, mikinn áhuga á því. Það mun rísa jafnvel þótt það verði ekki á næsta ári.