Siv Friðleifsdóttir (andsvar):
Herra forseti. Það er ekki verið að heimila veðsetningu á kvóta. Það stendur mjög skýrt í 1. málsliðnum. Hins vegar stendur í 2. málslið að hafi skip verið veðsett þá megi ekki færa aflahlutdeildina af til þess að þeir sem hafa tekið lán (ÁE: Kvóta er alltaf úthlutað á skip.) geti staðið í skilum. Þetta er mjög einfalt og hv. þm. segir að lítið hafi breyst. Það er ekki svo að mínu mati. Textinn er orðinn það skýr að ég féllst á að hleypa honum áfram og er mjög ánægð með að það náðist þannig niðurstaða í þetta mál.