[prenta uppsett í dálka] 59. fundur
Jóhanna Sigurðardóttir (andsvar):
Herra forseti. Hv. þm. Siv Friðleifsdóttir er greinilega hreykin eins og formaður þingflokks framsóknarmanna af þeirri breytingu sem þeir telja sig hafa náð fram í þessu efni sem er engin breyting. Hv. þm. heldur því aftur og aftur fram að ekki sé verið að veðsetja kvótann, en kvótum er úthlutað á skip og þar með er verið að veðsetja kvóta. Þingmaðurinn verður bara að horfast í augu við það hvað hún hefur verið að samþykkja og ég verð að segja að mér finnst nú lítið leggjast fyrir hv. þm. sem hafði stór orð uppi í þessu efni fyrir nokkrum mánuðum síðan.
