[prenta uppsett í dálka] 59. fundur
Siv Friðleifsdóttir (andsvar):
Herra forseti. Þetta rýrir alls ekki eignarrétt þjóðarinnar á auðlindinni. Fyrst hv. þm. er að vitna í grg. þá langar mig að lesa örlítið upp úr henni varðandi nákvæmlega þetta atriði, en þar segir, með leyfi forseta:
,,Af reglu 4. mgr. 3. gr. frv. leiðir í fyrsta lagi að óheimilt er að veðsetja slík réttindi sem hér um ræðir [þ.e. kvótann] þótt aðilaskipti geti orðið að þeim með öðrum hætti samkvæmt ákvæðum laga og reglugerða. Þau geta með öðrum orðum ekki verið sjálfstætt andlag veðréttar.``
Þetta er heila málið. Kvótinn getur ekki verið sjálfstætt andlag veðréttar. Það er ekki hægt að veðsetja kvótann.
