Kristín Ástgeirsdóttir:
Hæstv. forseti. Ég þakka hæstv. forsrh. fyrir svörin. Þau voru nokkuð skýr og hans afstaða í málinu er skýr. En það sem ég vil fyrst og fremst leggja áherslu á er að mér finnst mjög brýnt að við fylgjumst með þessu máli og áttum okkur á því hvað það þýðir fyrir íslenskt efnahagslíf. Ég vil lýsa því hér yfir að ég er sammála síðustu orðum hæstv. forsrh., þ.e. að ég held við eigum ekki erindi inn í þetta myntbandalag.