Siv Friðleifsdóttir:
Herra forseti. Í stefnu ríkisstjórnarinnar í fíkniefna-, áfengis- og tóbaksvörnum segir eftirfarandi, með leyfi forseta, að það beri:
,,Að efla forvarnir, einkum þær sem beint er að einstaklingum sem eru í áhættuhópum gagnvart notkun fíkniefna, áfengis og tóbaks.
Að hefta aðgengi barna og ungmenna að fíkniefnum, áfengi og tóbaki.
Að efla andstöðu í þjóðfélaginu gegn notkun barna og ungmenna á fíkniefnum, áfengi og tóbaki.``
Ég spyr ítrekað: Fyrst ráðherrann styður stefnu ÁTVR, styður þá hæstv. ráðherra stefnumótun ríkisstjórnarinnar í ávana-, tóbaks- og áfengismálum?