Forseti (Sturla Böðvarsson):
Borist hefur eftirfarandi bréf:
,,Þar sem ég vegna veikinda get ekki sótt þingfundi á næstunni leyfi ég mér, með vísun til 2. mgr. 53. gr. laga um þingsköp Alþingis, að óska þess að 2. varaþm. Alþb. og óháðra í Reykjavíkurkjördæmi, Guðrún Sigurjónsdóttir sjúkraþjálfari, taki sæti á Alþingi í fjarveru minni og forföllum 1. varaþm. flokksins í Reykjavík.
Þetta er yður hér með tilkynnt, herra forseti.
Bryndís Hlöðversdóttir, 12. þm. Reykv.``
Þá hefur enn fremur borist svohljóðandi bréf:
,,Þar sem ég er á förum til útlanda get ég ekki að þessu sinni tekið sæti Bryndísar Hlöðversdóttur á Alþingi sem 1. varaþm. Alþb. og óháðra í Reykjavík.
Guðrún Helgadóttir.``
Kjörbréf Guðrúnar Sigurjónsdóttur hefur verið rannsakað og samþykkt. Hún hefur hins vegar ekki áður tekið sæti á Alþingi og ber því að undirrita drengskaparheit að stjórnarskránni.