[prenta uppsett í dálka] 65. fundur
Margrét Frímannsdóttir (andsvar):
Virðulegi forseti. Í umsögn fjárlagaskrifstofu fjmrn. um skólagöngu veikra barna sem dvelja á sjúkrastofnunum segir, með leyfi forseta: ,,Samkvæmt grunnskólalögum er börnum á skólaskyldualdri tryggð menntun og í drögum að reglugerð í tengslum við flutning grunnskólans til sveitarfélaga er gert ráð fyrir að grunnskólinn standi áfram undir slíkri þjónustu fyrir sjúk börn.`` Grunnskólinn er kominn alveg yfir til sveitarfélaga. Það er ekkert hér um bil eða kannski, hann er þar og áfram segir: ,,Ekki virðist að með frumvarpinu sé ætlunin að breyta núverandi fyrirkomulagi.``
Spurning mín er ósköp einfaldlega þessi: Var gert ráð fyrir þessu þegar sveitarfélögin yfirtóku rekstur grunnskólans, er það grunnskólinn sem viðkomandi barn á skólasókn í sem á að standa undir kostnaði með hverju því barni sem fer úr skólaumdæminu á sjúkrahús og var sveitarfélögunum gerð grein fyrir því að þessi kostnaður mundi lenda á þeim?
