Tómas Ingi Olrich:
Virðulegi forseti. Eftir umræðu um frv. sem nú er verið að afgreiða og í ljósi þessarar brtt. á þskj. 599 þá liggur fyrir að þingmenn Alþb. eru reiðubúnir til að grípa inn í ákvarðanir fyrirtækis sem ríkið á að hálfu leyti með lagasetningu. Draga má í efa að slík lagasetning standist ákvæði stjórnarskrár Íslands. Yfirgangi Alþb. gagnvart þeim tveimur sveitarfélögum sem eiga í Landsvirkjun er hægt að afstýra með því að fella þessa brtt. Ég segi því nei.