[prenta uppsett í dálka] 70. fundur
Dómsmálaráðherra (Þorsteinn Pálsson) (andsvar):
Herra forseti. Kjarni málsins er sá að með þessu frv. erum við að gera kirkjuna sjálfstæðari. Við erum að færa verkefni frá ríkisvaldinu yfir til kirkjunnar og á þann veg í raun að minnka hin beinu daglegu tengsl og afskipti af málefnum kirkjunnar. En við höldum þjóðkirkjuskipulaginu og í stað jarðanna sem ríkið fær þá greiðir ríkið prestslaunin. Og vilji menn á einhverju stigi taka þau mál upp þá er það alveg sjálfstætt verkefni sem framtíðin ber í skauti sínu.
