Samgönguráðherra (Halldór Blöndal) (andsvar):
Herra forseti. Ég tek undir með hv. þm. um nauðsyn þess að breikka Breiðholtsbrautina til Hafnarfjarðar. Ég hef raunar oft sérstaklega tekið það fram þegar ég hef rætt um vegaframkvæmdir á höfuðborgarsvæðinu hversu brýnt væri að geta ráðist í þá framkvæmd. En á hinn bóginn standa sakir þannig að ekki var fyrir alvöru gert átak í vegamálum höfuðborgarsvæðisins fyrr en eftir að ég varð samgrh. þannig að ástandið er ekki betra en raun ber vitni af þeim sökum.