[prenta uppsett í dálka] 82. fundur
Bryndís Hlöðversdóttir:
Herra forseti. Alþb. hefur í umræðum hér í þinginu margsinnis gagnrýnt harðlega það frv. sem nú er verið að greiða atkvæði um. Upphaflega vegna þeirra áforma sem ríkisstjórnin hafði uppi um stórlega skerðingu á réttindum atvinnulausra með framlagningu þessa frv.
Nú þegar verstu agnúarnir hafa verið sniðnir af frv. þá stendur eftir innantóm umgjörð um þessi áform ríkisstjórnarinnar og tilgangslaus breyting á lögum um réttindi atvinnulausra. Alþb. mun því sitja hjá í atkvæðagreiðslu um þetta frv. og getur ekki stutt það eins og það liggur fyrir.
