[prenta uppsett í dálka] 82. fundur
Sjávarútvegsráðherra (Þorsteinn Pálsson) (andsvar):
Herra forseti. Textinn á þessu þskj. er mjög afdráttarlaus eins og hér hefur komið fram. Ég skil hann á þann veg að það sé vilji þeirra sem að þskj. standa að allur afli sé seldur á mörkuðum, þar á meðal afli frystiskipa, þar á meðal uppsjávarafli eins og loðna og síld, grásleppa og kúfiskur, en ég vildi gjarnan fá það staðfest hvort þetta sé ekki alveg örugglega hinn rétti skilningur flutningsmanna á efni þess sem þskj. ber með sér.
