Pétur H. Blöndal (andsvar):
Herra forseti. Þingmaðurinn er ekki alveg sjálfum sér samkvæmur. Hann sagði í ræðu sinni að 20 þúsund einstaklingar hefðu keypt hlut í fyrirtækjum um síðustu áramót eða á síðasta ári. Það er ekki aldeilis að aflið og eignir séu að færast á örfáar hendur þegar þvílíkt gerist þannig að hv. þm. er ekki alveg sjálfum sér samkvæmur.
Um það að ég hafi verið að hóta því að stofna banka. Mér dettur ekki í hug að stofna banka, mig langar ekki til þess. En mig langar heldur ekki til að kaupa hlutabréf í einhverjum ríkisbanka þar sem verða hugsanlega þrír bankastjórar og fullt af líkum í lestinni. Það langar mig heldur ekki.