[prenta uppsett í dálka] 91. fundur
Bryndís Hlöðversdóttir:
Herra forseti. Ég þakka ráðherranum fyrir svarið en ég lagði fram nokkrar spurningar og tel að þeim hafi ekki öllum verið svarað. Ég vil gjarnan fá að vita hvort í þessum frumvarpsdrögum væru útfærslur á samtímagreiðslum, ég spurði um það. Og í öðru lagi: Hvenær verður frv. lagt fyrir þingið? Getur hæstv. ráðherra gefið þinginu einhverjar frekari upplýsingar um það heldur en nú liggja fyrir?
