[prenta uppsett í dálka] 98. fundur
Forseti (Guðni Ágústsson):
Nú hefst umræða utan dagskrár um útgáfu starfsleyfis og upphaf framkvæmda við álbræðslu á Grundartanga. Málshefjandi er Hjörleifur Guttormsson. Umhvrh. Guðmundur Bjarnason verður til andsvara.
Það er samkomulag milli þingflokka að umræðan standi eigi lengur en í eina og hálfa klukkustund. Málshefjandi og ráðherra hafi allt að 10 mínútur í fyrra sinn og fimm mínútur við lok umræðunnar. Talsmenn þingflokka hafi sjö mínútur en aðrir þingmenn og ráðherrar fimm mínútur. Enginn má tala oftar en tvisvar.
