Flm. (Einar Oddur Kristjánsson) (andsvar):
Herra forseti. Þessi ábending er alveg hárrétt. Ég veit að í forminu er þetta svona. En í framkvæmdinni er það hins vegar þannig að allir líta svo á að sveitarfélögin hafi í reynd ríkisábyrgð. Og ég fullyrði að hið mikla lánstraust og góðu kjör á almennum markaði sem sveitarfélögin almennt og alls staðar njóta skýrist af þessu. Þau hljóta að njóta svona góðra kjara einmitt í ljósi þess að menn líta þannig á að þau hafi ríkisábyrgð.