Ísólfur Gylfi Pálmason (andsvar):
Herra forseti. Þarna greinir okkur í raun á vegna þess að ég lít þannig á að Ungmennafélag Íslands sé alls ekki sérsamband innan ÍSÍ. Þetta eru tvö sjálfstæð sambönd og það er fjöldinn allur af íþrótta- og ungmennafélögum sem tilheyra þessum samböndum og þess vegna finnst mér full ástæða til þess, eins og ég sagði áðan, að hafa Ungmennafélag Íslands með í þessari upptalningu, þ.e. þegar talað er um að ÍSÍ komi fram fyrir Íslands hönd þá vanti þar að hafa hitt sambandið, sem er Ungmennafélag Íslands.