Kristján Pálsson:
Herra forseti. Ég vil byrja á því að þakka fyrirspyrjanda fyrir að vekja athygli á þessu máli. Þær tölur sem komið hafa fram í máli hæstv. dómsmrh. eru mjög sláandi og ljóst að athugasemdir eru gerðar við gríðarlegan fjölda skipa sem skoðuð eru á hafi úti.
Ég vil spyrja hæstv. ráðherra að því í framhaldi af þessu hvort eitthvert samstarf sé á milli Landhelgisgæslu og Siglingastofnunar um aðgerðir í þessu máli þannig að hægt sé að koma tökum og eftirfylgju með þessu alvarlega ástandi og hvort einhverjar aðgerðir af hálfu Siglingastofnunar hafi farið í gang á sama tíma.