[prenta uppsett í dálka] 103. fundur
Ólafur Þ. Þórðarson:
Herra forseti. Ég vil koma þeirri skoðun minni á framfæri að ástæðan fyrir þessum reglum sem Evrópa notar í dag eru ekki einhverjar vel meinandi hugmyndir um viðskiptafrelsi heldur úthugsaðar leikreglur til að framkvæma áfram sömu stefnuna og nýlenduveldin gerðu forðum í viðskiptum við þá sem þau kúguðu. Þess vegna er það mjög bagalegt að mínu viti fyrir öll heimsviðskipti að Evrópa skuli ekki átta sig á því að ef hún ekki vill virða verslunarfrelsið þá verður hún einfaldlega skilin eftir út undan á næstu öld.
