[prenta uppsett í dálka] 105. fundur
Össur Skarphéðinsson (andsvar):
Herra forseti. Það er eitt að eiga vinsamleg samskipti við Rússa en annað að láta þá ráða för. Þegar menn ræða stækkun NATO, t.d. á þingum eins og Vestur-Evrópusambandsþinginu, þá koma alltaf upp þessi viðhorf að það megi ekki hreyfa sig um of til þess að styggja ekki Rússa. Ég hef ekki orðið var við þessi viðhorf hér á Íslandi nema hjá einum stjórnmálaflokki, hjá Framsfl., bæði lesið þetta út úr ræðu hæstv. utanrrh. og út úr ræðum sem hv. þm. (Utanrrh.: Hvaða ræðum?) Jón Kristjánsson hefur haldið hér í þessum sal.
