Guðmundur Árni Stefánsson:
Virðulegi forseti. Þetta frv. er í raun eðlileg afurð helmingaskiptastjórnar Sjálfstfl. og Framsfl. Frv. er vanbúið. Ég ætla enga ábyrgð að taka á því og ég spyr að leikslokum. Menn fara fram með þetta mál undir formerkjum samkeppni og hagræðis. Við skulum líta inn í framtíð og kanna hver reynslan verður, hvort hún verði ekki einmitt þveröfug og leiði til fákeppni og einokunar. Sú gjörð skal vera á ábyrgð þessarar ríkisstjórnar. Því styð ég þetta ekki heldur sit hjá.