Frsm. 2. minni hluta efh.- og viðskn. (Pétur H. Blöndal) (andsvar):
Herra forseti. Í mörgum málum hef ég vissulega skipt um skoðun, eftir umræðu og eftir breytingar sem gerðar hafa verið á frv. og þá hef ég yfirleitt tjáð það í atkvæðagreiðslu. Í öðrum málum hef ég ekki skipt um skoðun, svo sem í málinu Lífeyrissjóður starfsmanna ríkisins þar sem ég stóð einn af fáum á móti öllum þingheimi í því að samþykkja ekki það frv. Stundum hefur andstaðan dugað alveg til enda. Í Landsvirkjun féllst ég hins vegar á það mál eftir að hæstv. iðnrh. lýsti því yfir að á döfinni væri að koma með þáltill. um aukna samkeppni í orkumálum. Þegar ég hafði fengið að sjá þá þáltill. og hafði heyrt þetta þá féllst ég á málið af því forsendur þess voru breyttar.