Menntamálaráðherra (Björn Bjarnason):
Herra forseti. Ég tek undir með hv. ræðumanni um það hvernig ríkisstjórnin hefur staðið að þessum málum. Annars vegar hefur verið mótuð stefna á vegum menntmrn., t.d. um nýtingu þessarar tækni bæði á sviði menntunar og menningar og einnig hefur ríkisstjórnin mótað heildarstefnu um upplýsingasamfélagið og komið þeim málum þannig fyrir nú að þau eru í höndum forsrn. Og ég vænti þess að innan tíðar verði á vegum þess ráðuneytis staðið þannig að framkvæmd mála að menn sjái að ríkisstjórninni er full alvara með því að gera átak á þessu sviði.