[prenta uppsett í dálka] 116. fundur
Bryndís Hlöðversdóttir:
Herra forseti. Hér er genginn aftur óskapnaður frá því fyrr á þessu þingi þegar samþykkt var breyting á lögum um atvinnuleysistryggingar. Þar var sams konar ákvæði á ferð þar sem ákvæði um fimm ára hámarksbótatíma atvinnuleysistrygginga var gert afturvirkt. Hér er um að ræða ákvæði sem er án efa í andstöðu við þá meginreglu íslenskrar stjórnskipunar að lög skuli ekki vera afturvirk og allra síst ef um er að ræða ákvæði sem eru til skerðingar á réttindum borgaranna. Hér er strítt gegn sjálfsagðri meginreglu réttarríkisins og því get ég ekki annað en greitt atkvæði gegn slíkri lagasetningu.
