[prenta uppsett í dálka] 123. fundur
Bryndís Hlöðversdóttir:
Herra forseti. Eins og rakið var hér fyrr í umræðu um málið þá er verið að lögleiða hluta af vinnutímatilskipun ESB. Ég vil einungis ítreka það að þessi lögleiðing á lengingu lágmarshvíldartíma felur ekki í sér fullkomna lausn varðandi vinnutímatilskipunina og því liggja fyrir frekari breytingar á lögum í tengslum við hana í haust. Og jafnvel þó að ég hafi gert við það athugasemd að þetta atriði væri sérstaklega tekið út úr í stað þess að bíða eftir heildarafgreiðslu málsins þá tel ég rétt að styðja málið, en ítreka að hér einungis um hluta af lausninni að ræða.
