[prenta uppsett í dálka] 124. fundur
Bryndís Hlöðversdóttir:
Herra forseti. Hér er verið að leggja til hækkun sjálfræðisaldurs úr 16 í 18 ár. Sú breyting er í takt við breyttar þjóðfélagsaðstæður síðustu ára, í samræmi við löggjöf í nágrannalöndunum, í samræmi við barnasáttmála Sameinuðu þjóðanna og tengir forsjárskylduna ákvæðum íslenskra laga um framfærsluskyldu foreldra. Ég fagna þeirri niðurstöðu hv. allshn. sem hér er lögð til og segi því já.
