[prenta uppsett í dálka] 124. fundur
Sigríður A. Þórðardóttir:
Herra forseti. Ég er andvíg því að sjálfræðisaldur verði færður í 18 ár. Ég vil ekki svipta ungt fólk rétti sem það hefur haft til þessa. Og ég tel það stórt skref aftur á bak í mannréttindum á Íslandi ef tillagan verður samþykkt. Við leysum ekki vanda þeirra ungmenna sem hafa leiðst út á braut vímuefna og afbrota með hækkun sjálfræðisaldurs. Það hljótum við að gera á annan hátt, t.d. með því að kenna börnum okkar að standa á eigin fótum og taka ábyrgð á eigin lífi. Það er engin ástæða til að hækka sjálfræðisaldur hér á landi þó aðrar þjóðir hafi gert það. Við eigum að halda sérstöðu okkar í þessu efni. Engin svo veigamikil rök hafa komið fram í málinu að þau réttlæti þessa breytingu. Ég segi nei.
