[prenta uppsett í dálka] 124. fundur
Valgerður Sverrisdóttir:
Hæstv. forseti. Mín skoðun er sú að það sé rétt að hækka sjálfræðisaldurinn í 18 ár. Sú afstaða mín byggist á ítarlegri athugun á málinu í hv. allshn. en nær allir umsagnaraðilar mæla með þessari breytingu í umsögnum sem bárust nefndinni. Má þar nefna m.a. Félag framhaldsskólanema. Íslensk ungmenni búa almennt í foreldrahúsum fram undir 20 ára aldur og eru foreldrar fjárhagslega ábyrgir vegna þeirra til 18 ára aldurs. Mín afstaða byggist ekki fyrst og fremst á því að bregðast þurfi við vandamálum sem upp kunni að koma vegna tiltölulega fárra unglinga sem lent hafa á glapstigum heldur tel ég að 18 ára sjálfræðisaldur sé rökréttur m.a. með tilliti til framfærsluskyldunnar. Það er enginn sviptur sjálfræði með samþykki þessarar brtt. Ég segi já.
