[prenta uppsett í dálka] 127. fundur
Pétur H. Blöndal:
Herra forseti. Ég mun greiða atkvæði gegn 1. gr. og öllum brtt. við hana. Ég er á móti þessu frv. og tel að hér ætti heldur að leita leiða til frjálsræðisáttar. Þetta frv. er reyndar í rétta átt en gengur engan veginn nógu langt og það er mjög óréttlátt. Sérstaklega mun ég greiða atkvæði gegn 5. gr., brtt. frá hv. landbn., sem leggur sérstakt álag á þá bændur sem lenda í vanskilum. Þótt hér hafi komið fram áðan að ekki muni reiknast á það vanskilavextir er ég ekki sannfærður um að svo sé því að almennt greiða menn vanskilavexti á skuldir sem þeir greiða ekki.
