Árni M. Mathiesen (andsvar):
Herra forseti. Ég vil gjarnan spyrja hv. 1. flm. hvernig hann hugsar sér að afla þessara 240 millj. sem heilsugæslan fær í gegnum þessi gjöld sem hann vill leggja af, hvernig hann hugsi sér að bæta heilsugæslunni þessa upphæð. Heildarupphæðin í framlög til heilsugæslunnar er tæplega 1,9 milljarðar svo að maður sjái þetta í samhengi. Þarna er því um verulegan hluta tekna heilsugæslunnar að ræða og þessar 240 millj. eru nálægt því að vera sú upphæð sem St. Jósefsspítalinn í Hafnarfirði fær frá ríkinu á fjárlögum á komandi ári væntanlega.