[prenta uppsett í dálka] 9. fundur
Kristján Pálsson (andsvar):
Herra forseti. Hv. þm. Jóhanna Sigurðardóttir er ekki sammála mér í því að betra sé að hafa þingnefndirnar lokaðar. Hún vill láta það vera í valdi þingnefndarinnar hverju sinni.
Ég er dálítið hræddur um, ef farið væri á annað borð að opna þingnefndirnar, að þá yrði ekkert undan því vikist að hafa alla fundi opna eftir það þannig að ef við á annað borð ætlum að hafa eitthvað opið, þá verðum við að hafa allt opið. Ég er hræddur um að umræður í nefndinni yrðu miklu yfirborðskenndari. Þær yrðu undirbúnar mun meir fyrir fram af meiri hlutanum þannig að áhrif minni hluta í viðkomandi þingnefndum yrði mun minna en hefur verið og svona í mínum huga mundi lýðræðisleg umfjöllun þingmanna sín á milli í þingnefndum minnka.
