Jóhanna Sigurðardóttir (andsvar):
Virðulegi forseti. Ég fagna því sem fram kemur hjá hæstv. ráðherra. Það staðfestir það sem ég hef sagt að þetta er ekki í samræmi við það sem er í frv. til fjárlaga. Það þarf auðvitað að taka mið af því við fjárlagaafgreiðsluna að gert er ráð fyrir 15 millj. kr. meiri tekjum inn í þetta apparat heldur en ráðherrann gerði ráð fyrir. Ég fagna því að hann standi svona vel í ístaðinu vegna þess að þetta er gjald sem kemur á húseigendur og virðist nóg samt þannig að ég fagna þessu.
Ég sé á frv. að ekki er hægt að breyta þessu gjaldi nema með lögum. Það er ekki hægt að breyta þessu með reglugerð og það tel ég mjög skynsamlegt.