Flm. (Tómas Ingi Olrich) (andsvar):
Virðulegi forseti. Það er sjálfsagt að svara þessu. Þessi endurgreiðsla á virðisaukaskatti gildir reyndar fyrst og fremst um vinnu á vinnustað og er gölluð að því leyti til. Ég hygg að það sé betri aðferð að fara þá leið sem farin er í þessu frv., hún komi réttlátar fram gagnvart þeim sem eru að byggja á vinnustað en líka gagnvart þeim sem reka verkstæðisvinnu og njóta ekki að sama skapi þeirra endurgreiðslna sem rætt er um í stjfrv.