Forseti (Ólafur G. Einarsson):
Í sambandi við útbýtingu þessara þingskjala getur forseti ekki stillt sig um að nefna að í 49. gr. þingskapa segir m.a. um fyrirspurnir að þær skuli vera skýrar, um afmörkuð atriði og mál sem ráðherra ber ábyrgð á --- og eins og þar segir --- ,,sé við það miðað að hægt sé að svara henni í stuttu máli.`` Nú hefur verið útbýtt svari á þskj. 123 frá sjútvrh. og er svarið 248 prentaðar blaðsíður. Þetta verður ekki kallað ,,í stuttu máli``. Hér er ekki við þingmanninn, sem fyrirspurninni beindi til ráðherra, að sakast en forseta finnst ástæða til þegar þessu þingskjali er útbýtt að minna okkur þingmenn á að hér þarf að gæta hófs og fara í hvívetna að þingsköpum.