[prenta uppsett í dálka] 21. fundur
Ólafur Þ. Þórðarson (andsvar):
Herra forseti. Mér er ljóst að það er ekki staðið að flutningnum á Landmælingum upp á Akranes samkvæmt þeim leikreglum sem vitlegastar eru taldar miðað við það sem gert hefur á Norðurlöndum. Það blasir við sem staðreynd. En við virðumst almennt heldur ekki telja okkur þurfa að fara eftir reynslu annarra þjóða. Við erum svo séríslenskt fyrirbrigði á öllum sviðum að menn vilja setja upp eigin kenningar og það þurfi að finna upp hjólið aftur og gera tilraunastarfsemi með það á öllum sviðum. Þessi kenning birtist m.a. í því að viljum ekki þriðja stjórnsýslustigið þrátt fyrir það að það sé grunnurinn að því að hægt sé að ná þeirri hólfun í samfélaginu sem vitsmunaleg er án þess að eyðileggja sveitarfélögin.
