Sturla Böðvarsson (andsvar):
Virðulegur forseti. Ég vil bara ítreka það sem ég sagði áðan að ég hef ekkert á móti kerfisbreytingunni sem slíkri. Ég er sammála hv. þm. hvað það varðar. En ég vil ítreka að það verður að tryggja það, og það þarf hv. efh.- og viðskn. að skoða, með hvaða hætti er hægt að koma til móts við þessar greinar þannig að þetta virki ekki sem sérstök aðgerð til íþyngingar.