[prenta uppsett í dálka] 26. fundur
Félagsmálaráðherra (Páll Pétursson) (andsvar):
Herra forseti. Ég ætla að vona það. Ég þori ekki að spá en ég ætla bara að vona að menn feti sig inn á þá braut að draga úr vinnutímanum eða stytta vinnutímann eða minnka vægi aukagreiðslnanna og hækka grunnkaupið.
Ég átti þess kost og eyddi nokkrum tíma í það í fyrravetur, í framhaldi af ræðu sem formaður míns flokks, hæstv. utanrrh., hélt á Alþingi þar sem hann minntist á bætt siðferði í launamálum, að halda nokkra fundi með fulltrúum launamanna. Og það kom mér satt að segja á óvart hvað sumir þeirra tóku dauflega undir þessar hugmyndir um að reyna að auka vægi grunnkaupsins á kostnað aukagreiðslna. Ég geri mér ekki fullkomna grein fyrir því hvers vegna það var.
