Fjármálaráðherra (Friðrik Sophusson):
Virðulegi forseti. Ég leyfði mér að kalla fram í ræðu hv. síðasta ræðumanns sem hélt því fram að hér væri eingöngu verið að spyrja um talnalegar staðreyndir. Ég leyfi mér að lesa hluta af þessum fyrirspurnum. Ein er svohljóðandi á þskj. 64:
,,Hver er ástæða þess að ekki er hægt að selja þær eða leigja?``
Er þetta spurning um talnalegar staðreyndir?
Önnur fyrirspurn hljóðar svona:
,,Hverjar eru helstu ástæður greiðsluerfiðleika fólks`` o.s.frv.
Ég spyr, virðulegi forseti: Er þetta ósk um talnalegar upplýsingar frá stofnuninni?