[prenta uppsett í dálka] 29. fundur
Arnbjörg Sveinsdóttir:
Hæstv. forseti. Ég vil þakka fyrirspurnina og ráðherra fyrir hans ágæta svar. Ég fagna því að nú fer fram mjög ítarleg vinna í ráðuneytinu varðandi þetta mál. Það kom einnig fram í svari ráðherra að viðhorf hans til þessa málefnis er að það sé mjög nauðsynlegt að koma því í gott horf. Það er afskaplega mikilvægt að slík viðhorf ríki. Ég vil auk þess árétta nauðsyn þess að þessi fræðsla fari fram vegna þeirrar viðhorfsbreytingar sem er nauðsynleg í þjóðfélaginu. Viðhorf ungmenna mótast í námi og starfi í uppvextinum og þess vegna er þetta eitt af þeim grundvallaratriðum sem við þurfum að horfa til í fræðslumálum hjá ungviðinu.
